Ôi 17/3, ta nhih pah kan Chính phủ, Tổng Bí thư Tô Lâm pah kan đah Tiểu ban wăng sa- rêh jêng kon nuĭh Đại hội lam dak tâl XIV bah Đảng. Lah ta rơh pah kan, Tổng Bí thư Tô Lâm lah kloh, Đảng he hŏ ntrŏng hun hao wăng sa lah nău dơn kan rgum tơm yor kơt nê̆ nău mbơh wăng sa- rêh jêng kon nuĭh lah siƀŭt mbơh way nkô̆ dŭt khlay tâm rnôk tor luh trong nchrăp bah Đảng.

Lah rjăp, Siƀŭt mbơh bah Tiểu ban ân lah nău ơh rblang di gay lam trong kan chính trị geh nău nsrôih tât dơi ăp rnoh ndơ̆ luh, Tổng Bí thư Tô Lâm njrăng đă, nău ŭch tât nkrum lam dŭt têh ta Đại hội Đảng lam dak tâl 14 nê lah nău n’glêh an ăp nkô̆ nău têh jong gay neh dak đăp mpăn hun hao n’hanh  n’hao têh tay nău rêh ƀon lan. Tổng bí thư đă gĭt ăp tŏng nău tâm boh jâng ntơm nău rgop gay mât đăp mpăn gay hun hao n’hanh hun hao gay đăp mpăn jŏ jong, rƀŏng tât n’glĕ dŭt lah n’hao têh tay nău rêh nuĭh ƀon lan nar lơn ma di nuih n’hâm lơn nar lơn ma ŭch geh âk bah ƀon lan, jêng du bông nău mbơh wăng sa rêh jêng kon nuĭh ân mpơl dơi nuih n’hâm dja. Nsrôih ân hun hao ngăch n’hanh jŏ jong tâm let năp tay yor kơt nê̆ ân geh nău mĭn mhe, trong ƀư mhe geh nău dơi rgâl đăt ndal nsan hao êng nơm ri mơ tĭng ƀư dơi ăp rnoh ŭch tât ndơ̆ luh.