Tâm bôk nau hăn kan tâm Tuyên Quang, ôi 18/3, Kruanh Quốc hội Trần Than Mẫn leo bôk rmôt kan hăn kan bah Trung ương tât mpoh kthup, leo nkah nkah Kruanh Hồ Chí Minh tâm Nthưp Nà Nưa, tâm ntŭk nkah bah neh dak Tân Trào. Tâm Nthưp Nà Nưa, Kruanh Quốc hội Trần Thanh Mẫn ndrel rmôt hăn kan hŏ dŏng du mnĭt gay nhêp măt nkah tât Kruanh Hồ Chí Minh; ntoh nau nkah ngăn tât nau kan rêh ang bah Wa, rđau kan blau, lôch n’hâm pah kan yor nau đăp mpăn bah neh dak, ân nau dah rŏng, ueh lăng bah ƀon lan.

Jêh nê, Kruanh Quốc hội Trần Thanh Mẫn tât mpoh kthup ndrel tăm tơm si nkah tâm Đình Tân Trào, ntŭk ƀư rơh rƀŭn Quốc dân Đại hội tâm ăp lơ 16-17/8/1945, ntrŭnh nau nchră ndâk lơh gay nsĭt n’gâng kan ân lam dak. Kruanh Quốc hội Trần Thanh Mẫn ŭch ndrel lam Đảng, lam ƀon lan ndrel lam tahen nsôih ntrŭnh ƀư ân dơi ăp nau ntrŭnh, ntrong kan, ntrong ƀư têh bah Trung ương Đảng, Quốc hội, Chính phủ gay leo neh dak nơm lăp tâm rach năm mhe n’hao săk hun hao sâm geh, nâp nâl bah rnoi mpôl./.