Ôi (18/3) ta Ngih Chính phủ, Thủ tướng Phạm Minh Chính, Kruanh ban Ban ntĭm rđău bah Chính phủ mpeh hun hao khoa hcọ, công nghê, rgâl mĭn ƀư mhe, rgâl mrô n’hanh bôk nău rgop an tâm nchră 06, ƀư tơm n’hanh ntĭm rđău Rơh rƀŭn bôk năm bah Ban ntĭm rđău. Ndơ măt kruanh Chính phủ, Thủ tướng Chính phủ Phạm Minh Chính rnê ăp nău nsrôih, dŭt n’hâm n’hanh săk rnglăy dơi geh bah ăp n’gâng kan, nău kan, ƀon lan; nău ntĭm rđău dŭt n’hâm bah ăp nuĭh Ban Ntĭm rđău bah Chính phủ; rgop khlay rmôt Công an nhân dân; nău du nuih n’hâm, kơl, râng dŭt n’hâm bah nuĭh ƀon lan. doanh nghiệp.

Thủ tướng lah, nău kan năm tât dŭt n’hâm jâk. Mpeh nău mĭn êng ntĭm rđău Thủ tướng ntĭm kloh, đah khoa học công nghệ n’hanh rgâl mĭn ƀư mhe, rgâl mrô pơng hăn ndrel rjăp, dăch êp ndrel, rgâl mhe hành chính n’hanh n’gluh an kon nuĭh lah ta n’gul tơm; hun hao khoa học, công nghệ, rgâl mĭn ƀư mhe, rgâl mrô n’hanh Nău rgop an tâm nchră 06 lah nău đă di, săch trong ƀư, kơl lor bôk năp. Thủ tướng đă, ăp ntŭk ndăn jêh ƀư dữ liệu hộ tịch, dữ liệu neh ntu, nchrăp mĭn njêng trong dŏng dữ liệu lĕ rgâl an ƀư tĭng dơh đah 200 sam ƀŭt hành chính tĭng nău dơi.