Ôi lơ 13/10, ta Hà Nội, geh ƀư rơh rƀŭn Đại hội ntoh măt Đảng bộ Chính phủ tal bôk năp, năm kan 2025-2030. Đại hội ntoh măt Đảng bộ Chính phủ geh nkô̆ “Ndâk Đảng bộ Chính phủ kloh rjăp; tâm rnglăp, leo trong tâm nau kan khoa học, công nghệ, rgâl blau mhe, ntrơn rgâl mrô; hun hao ueh, hun hao neh dak ngăch ndrel nâp nâl tâm rach năm hao săk, sâm geh, ueh mhe, nâp nâl, ueh lăng”. Bah năp nê, lơ 12/10, ăp ntoh măt tâm nchră, rgop tâm nau nchrăp nau ntrŭnh Đại hội XIV bah Đảng, ntoh nau nsôih chính trị prêh tâm nau ƀư ăp nkô̆ nau hun hao.

Mbơh nau chính trị tâm Đại hội uănh năl ăp nau rgâl mhe: ƀư jêh ăp nau kan văng sa tâm ntrong rƀŏng XHCN; hun hao nau dơi nâp nâl geh nsum ma khoa học, công nghệ ndrel ntrơn rgâl mrô; hun hao tâm ban ăp ntŭk ntu, ngăn lah trong hăn, ŭnh nar, nkoch mbơh nau. Đại hội lah rjăp nau đă ƀư ueh nuih n’hâm leo trong, janh mĭn, janh kan, janh ndơn nau bah ăp rmôt cán bộ, đảng viên tâm rnôk mhe./.