Kêng măng ntri 18/3, Tổng Bí thư Tô Lâm hŏ wơt mpôl doanh nghiệp Hội đồng Tăch rgâl Hoa Kỳ - ASEAN.

Tổng Bí thư lah rjăp Việt Nam uănh Hoa Kỳ lah dak tâm boh khlay jŏ jong, tâm nê tâm boh wăng sa, tăch rgâl, ntuh kơl n’hanh khoa học, công nghệ lah jâng nsing n’hanh suan ntrôl dăng tâm boh bar ding; ŭch rŏng ndrel Hoa Kỳ an ƀư tay tâm boh têh jong lam lĕ rngôch nar lơn ma ngăn ngăn, lăp tâng jru, tâm nê ntrŭt ntrôl tay tâm boh wăng sa- tăch rgâl- ntuh kơl hun hao đăp mpăn, yor ma nău geh bah nuĭh ƀon lan n’hanh doanh nghiệp bar dak, rgop tâm nău đăp mpăn, bah tâm lơh, tâm boh n’hanh hun hao têh ndrŏng uĕh ta nkual n’hanh lam ntŭr neh. Tổng Bí thư lah rjăp nău hun hao bah tâm boh Việt Nam – Hoa Kỳ geh ring tam uĕh tât nău hun hao bah tâm boh bah Hoa Kỳ đah ASEAN, dăn đă Hội đồng Tăch rgâl Hoa Kỳ - ASEAN ndrel hăn ăp dak ASEAN, ntrŭt ntrôl rdâk nâp tâm boh, tâm rnglăp, hun hao n’hanh têh ndrŏng dăng bah ASEAN.