Nar aơ (20/3), Bôk nău kan “Mâp măt kon se nti, sinh viên Việt Nam - Trung Quốc ăp rơh” ƀư ta Hà Nội. Bôk nău kan “Mâp măt kon se nti, sinh viên Việt Nam - Trung Quốc ăp rơh” tă bah Bộ Ngoại giao ƀư tơm kan nsum đah Liên hiệp ăp mpôl kan tâm rnglăp Việt Nam n’hanh ăp nhih pah kan dơi kan ƀư nkhêp geh nkah ndray 75 năm njêng tâm boh Việt Nam – Trung Quốc n’hanh Năm tâm nđŭr tâm rŏng kon nuĭh Việt Nam - Trung Quốc 2025.

Tổng Bí thư Tô Lâm râng n’hanh geh nău lah ta nar ƀư. Bôk nău kan geh nklăp 800 nuĭh ntơh măt râng, tâm nê geh 500 nuĭh ntơh măt Việt Nam n’hanh 300 nuĭh ntơh măt Trung Quốc. Aơ lah ăp rơh kơn sinh viên- ăp nuĭh hŏ tă măt saơ na nê̆ nău hun hao tâm boh Việt - Trung. Bah meng nê lah nău rgop bah ăp nuĭh ntơh măt rơh druh ndăm – nuĭh mât bôk neh dak let năp tay. Bôk nău  kan geh  âk nău hôr khlay lĕ ma: chŭp rup nkah ndray, uănh pla n’hơ rup mpeh tâm boh Việt - Trung, nchreng an uănh njroh mprơ, uănh phóng sự mpeh 75 năm tâm boh bar dak, tâm nchră đah kon se nti, sinh viên ơm bar dak n’hanh nkoch bri mpeh ăp nău nkah kơt nti, tâm boh dak bah dih n’hanh ntĭm nti.