Kêng măng 18/3, ta Hà Nội, Thủ tướng Phạm Minh Chính ƀư tơm nar rƀŭn trực tuyến đah ăp rđau kan ăp n’gâng kan, ntŭk kan, nkuăl mpeh nau ntrŭt dăng ƀư ngăch nau nkra trong hăn ngăch Châu Đốc-Cần Thơ-Sóc Trăng. Nchrăp bôk nau kan nkra trong hăn ngăch Châu Đốc-Cần Thơ-Sóc Trăng geh rnoh jong rlau 188km, hăn rlet 4 n’gor, nkuăl ƀon têh, rgum nau ntuh kơl 4 ntrong ndeh nchuăt, rnoh ntuh kơl nklăp 45 rbăn rmen. Geh ndâk tâm khay 6 năm 2023, nchrăp mra jêh lam ntrong tâm năm 2026 ndrel ƀư jêh leo lăp dŏng tâm ăp trong tâm năm 2027.

Thủ tướng Chính phủ Phạm Minh Chính ân lah, trong Châu Đốc-Cần Thơ-Sóc Trăng jêh lơn ơm lơn ma ueh ân neh dak ndrel nkuăl Đồng bằng sông Cửu Long. Ndri ma, ăp n’gor Đồng bằng sông Cửu Long, ngăn lah ăp n’gor, nkuăl ƀon têh An Giang, Hậu Giang, Sóc Trăng, Cần Thơ ân n’hao nuih n’hâm kan, rgum lam ntrong kan chính trị, ăp mrôt kan lăp kan ngăn, rjăp, tâm rgop săk tam lơn tay. Ăp tơm ntuh kơl ƀư kan tâm di, tâm ban lơn gay ntrŭnh ƀư nau kan./.