Măng 18/3, Trung ương Đoàn Druh ndăm cộng sản Hồ Chí Minh ƀư Nar nkah ndray 94 năm Nar njêng Đoàn TNCS Hồ Chí Minh n’hanh nkhôm rnê Lý tự Trọng năm 2025. Lah ta nar nkah ndray, wa Nguyễn Trọng Nghĩa Kruanh Ban Tuyên giáo n’hanh Dân vận Trung ương  đă rơh kơn druh ndăm ân lah mpôl hăn dâk leo bôk năp, gŭ mĭn, kơt dŏng hun hao khoa học, công nghệ.

Wa Nguyễn Trọng Nghĩa dăn đă Đoàn druh ndăm Cộng sản Hồ Chí Minh ân êng uănh khlay pah kan ntĭm nti trong uĕh di cách mạng, nuih n’hâm uĕh lŏng trong gŭ rêh an rơh mom ndăm, ntĭm nti n’hanh ring lam dăng nuih n’hâm nsrôih ndôr êng, nsing nơm, n’hao êng săk rnoi nuĭh n’hanh nău nđơr an lĕ suan rhal nău gĭt blău an neh dak; ntik n’hao dăng nău khlay kan bah druh ndăm tâm trong râng mât njrăng jâng nsing nău mĭn bah Đảng, rlăch ndăng ăp nău mĭn tih leh êh rkeh; rdâk njêng ntĭm nti rmôt cán bộ đoàn nuih n’hâm uĕh lŏng ngăn, gĭt blău ngăn. Ta nar nkah ndray, 100 cán bộ đoàn ntoh lư hŏ rhơn n’hao dơi nkhôm rnê Lý Tự Trọng. aơ lah ăp nuĭh mât bôk kan way ndjôt lĕ nuih n’hâm, gĭt blău bah he gay an ƀư geh nău tam pah kan đoàn n’hanh trong leo kon se jê̆.