Ôi lơ 8/10, ta ntŭk kan Trung ương Đảng, lôch rlău 2 nar pah kan đah nău ngăch ndăn, răng dăng, ƀư tơm, dơn kan âk, rơh rƀŭn nchră tal 13 BCH Trung ương Đảng khóa 13 lĕ rƀŭn nchră nglôch lôch nglâ̆ dŭt. Ntoh ngơi ta rơh nglôch lôch rƀŭn nchră, Tổng Bí thư Tô Lâm lah na nê̆, Rơh rƀŭn nchră tal 13 BCH Trung ương Đảng khóa 13 lĕ ƀư lôch lĕ nkô̆ nău, bôk nău kan ngluh mbơh. Ta rơh rƀŭn nchră ăp nău kan geh nchrăp na nê̆, tâm nchră tâm di, ntrŭnh kan đah nău dơn ngoăy âk, tâm nĕ geh âk nkô̆ nău geh tât sŏng dăng tât nău dơi bâh Đại hội Đại biểu lam dak tal 14 bâh Đảng, tât nkô̆ mpŏng ŭch hun hao ngăch, nâp nâl, tât n’hao nău rêh bâh ƀon lan. Rơh rƀŭn nchră rơh aơ lĕ tâm nchră na nê̆, kloh rjăp, tâm di khoa học n’hanh dơn ngoăy âk nău ntrŭnh, nău kan khlăy ngăn. Tâm nĕ, Ban Chấp hành Trung ương mbơh tơih ăp văn kiện ndŏ an Đại hội 14 bâh Đảng, dơn ngoăy mbơh tơih nuĭh kan Ban chấp hành Trung ương n’hanh Ủy ban Kiểm tra trung ương khóa 14, an tâm rgop nău mpeh mông nar, nkô̆ nău, bôk nău kan, nău nchrăp pah kan, nău way săch kruanh bâh Đại hội Đảng lam dak tal 14 đah trong kan mât đăp mpăn di điều lệ, rgâl mhe, khoa học, săk rnglăy, na nê̆.