Kêng măng 2/10, ta Ntŭk kKruanh dak, Kruanh dak Lương Cường lĕ geh nar pah kan đah Văn phòng Kruanh dak gay uănh lah săk rnglăy trong kan khay 98/2025 n’hanh mbơh ƀư nău kan tâm khay 10/2025.

Jêh rnôk djăt nău rgop mbơh, dăn đă, mbơh ƀư ăp nău kan bah ntoh măt kruanh ăp ntŭk kan geh tât, ntoh ngơi n’glôn jêh ta rơh rƀŭn, Kruanh dak Lương Cường lah du đêt nău kan khlay tâm khay tât, tâm nĕ geh nău đă Văn phòng nchrăp uĕh ăp nkô̆ nău rhŏ an Kruanh dak, Groi Kruanh dak râng Rƀŭn nchră rơh tal 13 Ban Chấp hành Trung ương Đảng khóa 13; rơh rƀŭn tal 10 Quốc hội khóa 15 êp tât. Kruanh dak đă Văn phòng n’hao lơn tay uĕh trong kan tâm ôp tâm nchră ta ăp ntil nău tâm dak, bah dih dak; ngăch tâm ôp tâm nchră ăp nkô̆ nău êp n’hêl na nê̆, geh trong jru, đăp mpăn ngăch n’hanh uĕh nâp nău kan.