Ôi aơ lơ 2/10, ta Đà Lạt, n’gor uỷ Lâm Đồng ƀư rơh rƀŭn mbơh nau mpeh Đại hội ntoh măt Đảng bộ n’gor Lâm Đồng tal I, năm kan 2025-2030. Đah nkô̆ nau kan “tâm rnglăp, ƀon lan ƀư tơm-ƀư nâp-rgâl mhe-hun hao”, Đại hội ntoh măt Đảng bộ n’gor Lâm Đồng tal I, năm kan 2025-2030 mra geh tâm 3 nar, ntơm lơ 9 tât 11/10/2025 tâm rơh rƀŭn Học viện Lục quân, Phường Lâm Viên-Đà Lạt, n’gor Lâm Đồng.

Râng Đại hội geh geh 498 ntoh măt tơm, tâm nê geh 92 ntoh măt geh săch ơm ndrel 406 ntoh măt geh săch ntơm bah 128 đảng bộ tâm N’gor uỷ ntoh măt ân bơi tât 119.400 đảng viên lam n’gor. Wa Nguyễn Khắc Bình, Chánh Văn phòng n’gor uỷ Lâm Đồng, mbơh, nau nchrăp mbơh chính trị bah Đại hội ndŏ luh 3 nkô̆ nau tơm geh nau dơi gay ƀư tâm năm kan mhe: Nê lah rgum hun hao gung trong hăn, ntrŭt dăng rgâl mhe nau kan hành chính; rgum ân nau ntrŭt dăng nau kan cán bộ, pă, dŏng cán bộ đăp mpăn tâm di nŭih, tâm di nau kan./.