Kêng măng 2/10, ta Hà Nội, Hội Liên bu ur Việt Nam ƀư Lễ nkah ndray 95 năm nar njêng wơt dơn Huân chương Lao động hạng Nhất n’hanh ƀư Đại hội tâm rlong rŏng dak tâl V, mpư rnê n’hanh nkhôm an bu ur Việt Nam năm 2025. Ntăm an Huân chương Lao động hạng Nhất an Hội Liên hiệp bu ur Việt Nam, Tổng Bí thư Tô Lâm lah rjăp bu ur Việt Nam way lah ntŭk nsing bah rnăk wâl, lah nuĭh dâk kơl bah kơi nâp, lah bôk trong han dăng, lah găr ntil bah nău tâm rnglăp n’hanh nău tâm rŏng tâm ƀon lan. 

Mĭn lah, Đại hội Tâm rlong rŏng dak tâl V bah Hội lah rnôk gay n’glôch jêh, mpư rnê n’hanh pơk luh du rơh tâm rlong mhe-ngăn ngăn, geh nău tam, rêng lam, n’hanh đah nău ŭch rŏng Hội “Rval tâm ban bŏng khay”, Tổng Bí thư nkah 10 trong rƀŏng, nău dơn kan rgum tơm kơt “đăt ndal jŏ jong” gay Hội gŭ mĭn, tĭng ƀư let năp tay, tâm nê ân rdâk njêng nuĭh bu ur Việt Nam rơh mhe: Rŏng dak- ƀư tơm êng- Han săk- tŏng nuĭh- gĭt blău- njêng mhe- Dơn kan- keh mbrô- nđĭr uĕh; n’hao trong leo “Rdâk njêng rnăk wâl 5 mô, 3 kloh” jêng “5 mô, 3 srăch, 3 đăp mpăn”: đăp mpăn mô geh nău tât- đăp mpăn nuih n’hâm- đăp mpăn tŏng geh nău rêh.