Măng nđaơ (7/10), ta Ngih Chính phủ, Thủ tướng Phạm Minh Chính ƀư tơm rơh rƀŭn rơh tal 16 Ban Ntĭm rđău Ngih dak mpeh njrăng n’gang joi tui ka mô tâm di nău way,m mô mbơh n’hanh mô tĭng nău ntrŭnh (IUU). Rơh rƀŭn dơi pơk trực tuyến tât 21 n’gor, nkual ƀon têh mper dak lêng. Thủ tướng Phạm Minh Chính uănh lah prêh nuih n’hâm pah kan rjăp bah ăp n’gâng kan, nău kan, ƀon lan tâm trong ntrôl, dôh rklaih nău mô an IUU.

Ntơm bah pơh bâh năp tât aƀaơ, kiểm điểm tay rnoh duk mpan mô dơi an lĕ hŭch; tàu ka mô tŏng dơi ndơ dŏng hŭch; tàu nglăp ndoh ndơ uănh nđôi, groi nđôi video ta dak lêng; mô hŏ kơp dơn saơ tay tàu ka roh boăt nthoi, rlet rlău n’har ta dak lêng; mô hŏ kơp dơn na nê̆ tay tàu ka tih nkual dak lêng dak bah dih geh nhŭp kân, rmal... Lah rjăp nuih n’hâm an dŭt têh đah nău joi IUU, ăp nu nău rlăm, dêr soăy...; Thủ tướng an lah ân geh trong mhal, N’gâng kan tuch tăm mât rong n’hanh ntŭk ntô gŭ âm ndrel ăp ntŭk dăn đă Chính phủ an rmal nău aơ lôch dŭt.