Ôi lơ 2/10, n’gor Quảng Ngãi ƀư rƀŭn mbơh nau ntrŭnh bah N’gâng kan Chính trị mpeh nau kan cán bộ. Tâm nar rƀŭn, wa Hoàng Đăng Quang, Groi Kruanh rnâng kan ƀư kan Trung ương mbơh nau ntrŭnh Bộ Chính trị mpeh nau kan cán bộ. Tĭng nê, N’gâng kan Chính trị ntrŭnh nau đă, rgum, pă, săch wa Hồ Văn Niên, Kruanh n’gâng kan Bộ Dân tộc ndrel Tôn giáo, râng tâm Rnâng kan rđau kan, Rnâng kan n’gor uỷ Quảng Ngãi năm kan 2025-2030 ndrel mât ƀư Bí thư n’gor Quảng Ngãi năm kan 2025-2030, ndơn ân wa Bùi Thị Quỳnh Vân geh Bộ Chính trị đă, ntop ƀư Groi Rnâng kan ntŭk kan Trung ương. 

Wa Hồ Văn Niên, deh lơ 15/10/1975; rnoi Bahnar, ƀon tơm n’gor Gia Lai, lôch nti cử nhân Luật, cử nhân Lý luận Chính trị. Ntoh nau tâm rnôk ndơn nau kan, wa Hồ Văn Niên, Bí thư n’gor uỷ Quảng Ngãi ân lah, nau kan Bộ chính trị pă ƀư Bí thư n’gor uỷ Quảng Ngãi lah nau rhơn têh ngăn đah săk wa. Wa Hồ Văn Niên ton mra mât nâp nau nâp chính trị, nau rêh ueh; leo trong, tâm dăch ma tâm dâng, tâm ban nuih n’hâm ndrel Rnâng kan, Rnâng kan rđau kan Đảng bộ n’gor ƀư ueh nuih n’hâm tâm rnglăp, ƀư dơi nau kan nau ntrŭnh đă Đại hội Đảng bộ n’gor tal XX, năm kan 2025-2030 ndŏ luh./.