Ôi taơ (9/10), Đại hội đại biểu Đảng bộ n’gor Lâm Đồng rơh bôk năp, năm kan 2025-2030 mbra na nê̆ ƀư. Ta Đà Lạt, ntŭk ƀư đại hội n’hanh ta nklang ăp n’gor Dak Nông, Bình Thuận ơm lĕ ntơr uĕh cờ nkao saơ nuih n’hâm mhe, mông nar mhe mbah rhơn đại hội. Đại hội đại biểu Đảng bộ n’gor Lâm Đồng rơh bôk năp, năm kan 2025-2030 lah nău chính trị têh an saơ nău rgum nsum đah 3 n’gor Dak Nông, Bình Thuân n’hanh Lâm Đồng, ndơ̆ n’gor têh ngăn lam dak hăn lvang hun hao lĕ rngôch n’hanh nâp nâl.

Wa Nguyễn Khắc Bình, Chánh Văn phòng N’gor ủy Lâm Đồng, an gĭt: Văn kiện Đại hội đại biểu Đảng bộ n’gor Lâm Đông rơh bôk năp, năm kan 2025-2030 lĕ dơi nchră uĕh. Mbơh an chính trị lĕ dơi sŏk nău rgop bah Mặt trận Tổ quốc n’hanh ăp rmôt kan chính trị, rêh jêng; rgop ta đại hội 128 đảng bộ, rmôt kan đảng mpeh tâm Đảng bộ n’gor; ƀư rgum nchră khoa học râng, nchrŏng trong hun hao; nkre djăt nău rgop ntĭm rđău bah Rmôt pah kan Bộ Chính trị. Trong kan nchrăp an đại hội lĕ dơi n’gor Lâm Đồng ntơm jêh.