Kêng măng 2/10, ta Jay Quốc hội, Ủy ban Thường vụ Quốc hội n’hanh  ăp nhih pah kan dơi kan Quốc hội hŏ ƀư lễ kơl ƀon lan nkra bah khuch khat trôk nar lơh. Tĭng nchih rgum bah Bộ Nông nghiệp n’hanh Môi trường, tât aƀaơ hŏ geh 18 n’gor, nkual ƀon têh geh tât khuch jru bah phŭt mbrô 10 lơh. Phŭt mbrô 10 hŏ lơh dŭt đêt 34 nuĭh khĭt n’hanh 20 nuĭh aƀaơ dôl roh; ndrel đah nê lah 40 nuĭh êng geh rmanh.

153 rnăk geh rlâm lĕ rngôch; rlău 1.54000 mblâm jay geh khuch khat, plôk chor. Tuch tăm roh huach âk đah bơi 49.000 ha ba n’hanh ndơ tuch tăm ndâp băm; 1.524 mblâm sŭr ndrôk, 381000 mblâm kik djăr khĭt, geh klôr rdu. Tâm pă ăp jêr jŏt, roh yot bah ƀon lan n’hanh ăp n’gor, ntik n’hao nuih n’hâm tâm yô̆ tâm kơl, lha uĕh nkrum lha sat, Ủy ban Thường vụ Quốc hội ƀư nar rgum kơl ƀon lan nkual geh dak bŭk. Tĭng nê, ăp Đại biểu Quốc hội way kan; Cán bộ, công chức, viên chức, nuĭh kan Văn phòng Quốc hội; Hội đồng Dân tộc n’hanh ăp Ủy ban bah Quốc hội đah rnoh rgop prăk lah 600 rkeh prăk.