Kêng măng lơ 16/3, Rmôt kan mêt uănh mrô 1922 bah Bộ Chính trị yor wa Đỗ Văn Chiến, Kruanh Uỷ ban Mặt trận Tổ quốc Việt Nam ƀư tơm kan hŏ pah kan đah Rnâng kan n’gor uỷ Dak Lak mpeh nau ƀư du đê̆ nau rđau, đă tâm n’gor. Tĭng nau mbơh tâm nar kan, Rnâng kan n’gor Dak Lak ƀư nau ntrŭnh, mĭn, ƀư ngăn ăp nau ntrŭnh, rđau đă, nau mbơh ƀư bah Trung ương; ntrŭnh ăp nau ntrŭnh mrô 18, nau ntrŭnh mrô 121, nau ntrŭnh mrô 35, nau ntrŭnh mrô 57, nau ntrŭnh mrô 123 ndrel ăp nau geh tât bah ntrŭnh bah Trung ương.

Rnâng kan n’gor uỷ hŏ ƀư rjăp, năn tâm nau nchrăp ân Đại hội Đảng ăp gưl, nau nchrăp nŭih geh rđau rjăp, njrăng, tâm di nau, nau kan tâm dăp ma nau đă bah Trung ương, đăp mpăn nau ndơn ndrel hun hao. Rnâng kan n’gor uỷ Dak Lak kŏ rgum rđau, đă Bôk nau kan dăp rgum, rtŭt gleh biên chế tĭng nau ntrŭnh mrô 18; ntrŭt dăng nau dŏng, hun hao khoa học công nghệ, rgâl nau mhe ndrel ntrơn rgâl mrô. Nkô̆ nau hun hao năm 2025 geh rgâl hao 80% tâm di ma nau đă bah Trung ương./.