Lơ 17/3, tâm rơh khâl pah kan ta Dak Anh, Groi Thủ tướng Rnâng kan Chính phủ Nguyễn Hòa Bình lĕ geh rơh mâp êng đah wa Tony Blair, Tă ƀư Thủ tướng Anh, Kruanh Viện Tony Blair yor nău rgâl lam ntŭr neh. Ta rơh mâp, Groi Thủ tướng Rnâng kan Nguyễn Hòa Bình lah rjăp nău tâm boh chính trị Việt Nam-Dak Anh hun hao uĕh, ăp doanh nghiệp Anh nsing nơm têh, âk doanh nghiệp lĕ lôch uĕh ta Việt Nam n’hanh mpŏng nar lơ geh tay âk nuĭh ntuh kơl Anh uănh tât ăp ntil nău an lor bah Việt Nam.

Tâm rnôk lam ntŭr  neh rgâl âk, Groi Thủ tướng mĭn lah Việt Nam ntrôl dăng rgâl trong ƀư, rgâl ntŭk ntô ntuh kơl, wăch rgum ăp nuĭh ntuh kơl prăk kaih n’hanh nchrŏng an prăk âk, lơn lah tâm ăp ntil nău mhe ntoh kơt nău dŏng mĭn njêng mhe (AI), bán dẫn, ŭnh nar mĭn njêng tay. Lôch nar pah kan, 2 ding tâm ban ŭch tâm rgop rjăp tay tă bah Đại sứ quán n’hanh ăp trong pah kan na nê̆, ndrel ntrôl ăp nău kan ndrel khlay n’hanh ndơ̆ tâm boh kan ndrel Việt Nam- Dak Anh hăn lăp jru, ngăn ngên n’hanh săk rnglăy.