Ôi ntri (16/5), ta Nghĩa trang liệt sỹ nkuâl Ngọc Hồi, Tỉnh uỷ, HĐND, UBND, UBMTTQ Việt Nam n’gor Kon Tum ƀư Weh njăt, nkah n’hâm suan n’hanh tâp bôr 26 nting tahen ơm khĭt, nuĭh rnâng kan râng kơl êng Việt Nam roh khĭt ta neh dak băl Lào n’hanh Campuchia tâm ăp rơh tâm lơh dơi Đội K53 rgum joi tâm khay wai 2024-2025.

 Tâm siƀŭt răk mbơh ta rơh weh njăt, nkah tay du bông nău rêh nău kan n’hanh tâp bôr nting ăp tahen ơm khĭt, wa bu ur Y Ngọc, Groi Kruanh rnâng kan UBND n’gor Kon Tum, Kruanh Ban rđău đă 515 n’gor, lah rjăp: Nău roh yot bah ăp nô hŏ rgop rklaih luh ƀon  lan ăp Rnoi nuĭh Lào bah năp phŭng rlăng lăp pit in n’hanh dâk rêh tay neh dak Campuchia ta rơh mpôl nkhĭt hêng nuĭh krit djơh; lah nău ntĭt an nău mô dơi roh mbro mbrăng treh têl jru tâm nuih n’hâm ăp rơh kơn bah ăp nuĭh Việt Nam tâm ban kơt ƀon  lan 2 dak băl Lào, Campuchia. Tĭng ƀư nău kan kơl joi, rgum nsĭt nting tahen ơm khĭt ta Lào n’hanh Campuchia, 6 khay wai năm 2024-2025, Đội K53 n’gor Kon Tum rgum joi geh 26 nting tahen ơm khĭt. Tâm nê ta Lào 16 nting tahen ơm khĭt ta (n’gor Attapư 12 nting, n’gor Chămpasắc 4 nting nuĭh) n’hanh ta n’gor Ratanakiri, Campuchia 10 nting.