Tĭng ƀư trong nchrăp bah Trung ương mpeh dăp rgum nhih pah kan gưl xã, UBND n’gor Kon Tum dôl an ƀư nău uănh năl ngăn ngăn geh, nkre nchrăp ntŭk ƀư nhih pah kan du mpông gưl xã (mhe) gay nkra siƀŭt mô geh tăch pruăt.

Ta năp măt, ăp ntŭk kan nsum Ntŭk rgum rhŏ dŏng ƀư siƀŭt, Văn phòng UBND n’gor Kon Tum hăn uănh năl ntŭk ƀư nhih pah kan ăp ntŭk kan du mpông bah xã (mhe). Trong rƀŏng lah an lor ntŭk dơh hăn, gay ngăch tât n’hanh tŏng ăp ntil ndơ, đăp mpăn nuĭh ƀon lan n’hanh doanh nghiệp dơh joi tât gay ƀư siƀŭt. Ntŭk kan du mpông aƀaơ bah xã, phường, thị trấn mbra dơi uănh năl tay đŏng. Lah tŏng dơi ăp rnoh di, mbra dơi sơch ƀư ntŭk kan bah xã mhe. Tĭng nău nchrăp, n’gor Kon Tum lôch n’glăp nsum hôm 3 phường n’hanh 37 xã./.