Ôi lơ 18/3, ta ntŭk kan Kruanh dak, Kruanh dak Lương Cường vơt nŭih ntoh măt bah dak Campuchia, dak Saudi Arabia ndrel nsum mpôl nâp nâl Dominica tât ndŏ săm ƀŭt mbơh ndơn nau kan ta Việt Nam.

Vơt ntoh măt Campucia, wa Touch Pharat, Kruanh dak Lương Cường rhơn ăp nŭih ntoh măt ndơn nau kan ta Việt Nam, rnơm lah, đah nau blau tâm nchră nau, ăp ntoh măt mra geh âk nau rgop ueh, rgop nau ntrŭt dăng nau tâm boh tâm dăch ueh, tâm boh ơm yau, tâm boh ăp ntil, nâp nâl jŏ jong đah bar dak.

Kruanh dak lah rjăp nau khlay mpeh chính trị jru, ntoh nau kan bah Việt Nam mro ân nau kơl an prêh ân hun hao tâm boh kan nsum vay ơm Việt Nam-Campuchia kŏ kơt lah pe dak Việt Nam-Campuchia-Lào mro tâm rnglăp rlet rlau ăp nau jêr.

Rhơn wa Thammer Mohammed Al Gosaibi geh ƀư Ntoh măt ân dak Saudi Arabia ta Việt Nam; Kruanh dak lah rjăp Việt Nam rnê prêh nau dơi ndrel nau dăng bah Saudi Arabia tâm nkuăl, ngăn lah lam ntur neh Arab ndrel Islam; rhơn ăp nau dơi hun hao bah Saudi Arabia tâm rnôk ƀư ngăn ăp nkô̆ nau tơm tâm nau rƀŏng 2030 ndrel rnơm lah Kđăch, Chính phủ ndrel ƀon lan Saudi Arabia mra lŏ geh âk nau dơi lơn tay tâm nau kan ndâk njêng ndrel mât neh dak./.