Kêng măng 16/6, Kruanh Quốc hội Trần Thanh Mẫn lĕ ký an 34 nghị quyết bah Ủy ban Thường vụ Quốc hội mpeh dăp tay ăp ntŭk kan hành chính gưl xă bah 34 n’gor, nkual ƀon têh. Jêh rnôk dăp, n’gor Dak Lak geh 102 ntŭk kan hành chính gưl xă, geh 88 xă n'hanh 14 phường; tâm nĕ geh 82 xă, 14 phường jêng jêh dăp, ƀư tĭng rgâl săk nău ntrŭnh n’hanh 6 xă mô ƀư tĭng dăp lah ăp xă Ea H’Leo, Ea Trang, Ia Lốp, Ia Rvê, Krông, Vụ Bổn.

Jêh rnôk dăp, n’gor Gia Lai geh 135 ntŭk kan hành chính gưl xă, geh 110 xă n’hanh 25 phường; tâm nĕ geh 11 xă, 25 phường jêng jêh dăp n’hanh 9 xă mô dăp tay lah ăp xă Ia O (nkuăl Ia Grai), Nhơn Châu, Ia Púch, Ia Mơ, Ia Nan, Ia Dom, Ia Chia n’hanh Krông Nô. Jêh rnôk dăp, n’gor Lâm Đồng geh 124 ntŭk kan hành chính gưl xă, geh 103 xă, 20 phường, 1 đặc khu; tâm nĕ geh 99 xă, 20 phường, 1 đăp khu jêng jêh dăp, ƀư tĭng rgâl săk nău ntrŭnh n’hanh 4 xă mô ƀư tĭng dăp lah ăp xă Quảng Hòa, Quảng Sơn, Quảng Trực, Ninh Nghĩa. Ăp ngih pah kan tĭng nău dơi ƀư tĭng ăp trong kan nchrăp ŭch khlay, tŏng ăp gay n’gâng kan ƀon lan  ta ăp ntŭk kan hành chính gưl xă jêng jêh dăp na nê̆ pah kan bah lơ 1/7/2025.