Ntoh ngơi ta rơh pă giải, kruanh Quốc hội Vương Đình Huệ lah na nê̆, ăp tác phẩm tât râng tâm rlong n’hanh geh giải lah nău nsrôih, nău dơn kan têh, nău rŏng kan, rŏng neh dak, mpôl rnoi, nău knơm n’hanh nău rŏng ngăn bâh nuĭh ƀư báo đah Đảng.

Tâm let năp tay, gay ma ƀư dơi Nghị quyết Đại hội tal 13 bâh Đảng, kruanh Quốc hội an lah, an geh ntrôl dăng nău kan rdâk njêng Đảng, rgâl nkra Đảng n’hanh trong kan chính trị đah nău nsrôih, răng dăng, ueh di n’hanh săk rnglăy tay lơn, an geh n’hanh đă lĕ ma trong kan chính trị, ăp gâl kan, ăp n’gâng kan, ăp nuĭh ƀon lan, tâm nĕ báo chí an geh lăp kan tay na nê̆ lơn, răng dăng lơn, mĭn kan tay lơn n’hanh săk rnglăy lơn. Giải báo chí lam dak mpeh rdâk njêng Đảng geh ntơ Búa liềm vàng tal 7 geh 2.031 tác phẩm tât râng tâm rlong, tâm nĕ geh 7 tác phẩm dŭt ueh, ntoh lư tâm di ngăn geh pă giải, geh 6 giải A, 12 giải B, 18 giải C, 30 giải khuyến khích n’hanh 8 giải bôk nău kan an ăp tác phẩm ntoh lư.