Ndrel đah nău dơi Điện Biên Phủ, Hiệp định Geneve geh ký ta nar 21/7/1954 lĕ lôch rơh tâm lơh rdâng đah Pháp bâh ƀon lan Việt Nam, nta nău gơih nđơr an nău kan rklaih đăp mpăn mpôl rnoi ta lam ntur neh.

Tâm nău ntoh ngơi ta rơh lễ, kruanh n’gâng kan nchră nău đah dak bah dih Bùi Thanh Sơn lah na nê̆, rơh rƀŭn nchră Geneve lah rơh rƀŭn nchră lam ntur neh dŭt têh bôk năp ta Việt Nam tât râng gay ma tâm nchră n’hanh ký nău ŭch rŏng đah lam ntur neh đah nău tât râng bâh ăp dak têh. Nău dơi bâh Việt Nam ta rơh rƀŭn nchră Geneve ntơm bâh trong kan cách mạng tâm di n’hanh nău leo kan, ntĭm kan ueh mhe bâh Đảng n’hanh kruanh Hồ Chí Minh, bâh nău ŭch đăp mpăn ueh mhe, chủ nghĩa rŏng dak têh kuăng ndrel đah nău mĭn n’hanh trong kan bâh mpôl rnoi Việt Nam.