Tât râng rơh lễ geh groi kruanh Quốc hội Trần Quang Phương. Phường An Điền, An Tây geh njêng bâh nău kan lĕ rngôch rnoh neh bâh 2 xã ndrel ntơ.

Nkuăl ƀon têh Bến Cát lôch geh njêng geh 7 phường n’hanh 1 xã. Tâm ba năp nơh, Bến Cát ntrôl dăng nău kan hun hao công nghiệp, tât aƀaơ lam nkuăl ƀon têh geh 8 nkual công nghiệp, 1 nkual pah kan rgum, pă nău kan an 180 rbăn nuĭh kan. Ăp nkual công nghiệp geh 6.441 nău nchrăp kan ntuh kơl, tâm nĕ geh nău nchrăp kan pă prăk ntuh kơl dak bah dih lah 816 nău nchrăp kan đah lĕ rnoh prăk bơi tât 9,8 rmen đôlar. Ntoh ngơi ta rơh lễ, Groi kruanh Quốc hội Trần Quang Phương an gĭt, nău njêng nkuăl ƀon têh Bến Cát lah nău kan dŭt khlăy ngăn, mpơl du njoat hăn hun hao mhe bâh ta ntŭk. Groi kruanh Quốc hội Trần Quang Phương đă nuĭh leo kan nkuăl ƀon têh bến Cát an geh n’hao tay nău kan tâm trôm, nău dơi kan n’hanh nău dơi ta ntŭk gay ma hun hao wăng sa rêh jêng săk rnglăy.

Kơt nĕ, kơp tât rnôk aƀaơ, Bình Dương geh 5 nkuăl ƀon têh geh: Bến Cát, Tân Uyên, Thuận An, Dĩ An, Thủ Dầu Một. aơ lah ntŭk geh dŭt âk nkuăl ƀon têh ta lam dak.