Ôi 25/4, Liên đoàn Lao động n’gor Gia Lai lĕ ƀư Lễ rgŏ jă Khay phung pah kan-khay 5 năm 2024. Tâm Khay phung pah kan 2024, n’gor Gia Lai mbra ƀư bôk nău kan “Lah uĕh nuĭh pah kan” nkah gĭt, ntô̆ ryơk đoàn viên, nuĭh pah kan geh âk nău rgop an ngih pah kan, ntŭk kan, doanh nghiệp. Nkre, ƀư tĭng ndâk  ƀư 10 mlâm jay “Jay răm công đoàn” an đoàn viên, nuĭh pah kan geh nău rêh jêr jŏt; khâl n’hanh an ndơ phung pah kan geh rmanh tâm pah kan, nuĭh ji ach o...

Ndrel đah nĕ, ăp liên đoàn pah kan bah dâng mbra ƀư tâm mâp, wa Võ Công Hòa-Kruanh Liên đoàn lao động nkuăl Chư Sê, an gĭt: Nkuăl lĕ ƀư 2 prăk nkrem “Tâm yô̆ tâm kơl nuĭh” n’hanh “Jay răm công đoàn” gay ntop kơl an đoàn viên geh nău rêh jêr jŏt gay đoàn viên đăp mpăn n’hanh geh du rmôt kan hăn ndrel đah nơm tâm ăp ntil nău rêh. Tâm khay 5 aơ mbra ndôp ăp bôk nău kan tâm rlong pah kan nkra njêng, nta an nău tâm rnglăp đah ăp phung pah kan, nuĭh kan.