Kêng măng 25/4, N’gâng kan Công an ƀư Rƀŭn chră Giao ban khay 4 n’hanh mbơh ƀư bôk nău kan  khlay khay 5/2024. Đại tướng Tô Lâm, Kruanh N’gâng kan Công an ƀư tơm rƀŭn nchră n’hanh ntoh ngơi Rƀŭn nchră djôt dơn, rnê rhơn n’hanh uănh lah prêh ăp nău geh, n’hâm soan ma rmôt Công an nhân dân lĕ dơi geh tâm năm bah năp.

Mpeh nău kan tâm khay 5 n’hanh năm tât, Kruanh N’gâng kan Tô Lâm đă Công an ăp ntŭk kan, ƀon lan rgum mbơh ƀư trong đăp mpăn rnă njrăng, đăp mpăn ăp nău ƀư nkah gĭt 49 năm Nar rklaih đăp mpăn miền Nam, kơp dơn ngoăy neh dak (30/4), Nar nuĭh kan lam ntŭr neh (1/5 n’hanh ăp nău ƀư nkah gĭt 70 năm Lơh dơi ta Điện Biên Phủ (7/5). Ăp rmôt tât pah kan đăp mpăn rnă njrăng, râng diễu binh, diễu hành ta Ƀư nkah gĭt 70 năm lơh dơi ta Điện Biên Phủ n’hao nuih n’hâm lĕ nău kan, mkra ăp jêr jŏt, mô an geh nău tih bôl jêt ngăn.