Công điện njoăl an kruanh UBND n’gor Quảng Ninh, rnâng kan ntĭm đă ngih dak mpeh njrăng, rdâng nău tât bâh mih sial n’hanh ăp n’gâng kan geh tât. Tĭng nău mbơh ngăch bâh ntŭk kan way kan rnâng kan leo kan njrăng rdâng nău tât bâh mih sial, vơt nuĭh sôt rmanh n’hanh njrăng rdâng nău tât ƀon lan n’gor Quảng Ninh, ôi lơ 24/5, ta dak me Chanh ta nkuăl têh Quảng Yên, n’gor Quảng Ninh lĕ geh nău tât ngâm duk, ƀư geh 4 nuĭh roh (2 hê hôm e dơi re êng ta kơh).

Thủ tướng Chính phủ njoăl nău ôp khâl, tâm ôp nău rngot tât ăp rnăk vâl nuĭh geh rmanh, đă kruanh UBND n’gor Quảng Ninh n’hanh ăp ntŭk kan geh tât ntĭm đă tay, mbơh tơih nău kan ndâk nsơm nău tât, rgum du đê̆ nău kan kơt aơ: Rgum tay mpôl kan, ndeh klư khlăy gay ma rgum joi ăp nuĭh hôm roh đah nău ngăch ndăn. Kruanh UBND n’gor Quảng Ninh ntĭm đă ntŭk kan ngăch ndăn uănh năl, ôp nău na nê̆ bah mbơh nău tât, ƀư kloh na nê̆ nău kan gay ma ngăch rhoăt luh nău tă gĭt kan n’hanh rmal răng dăng ăp nău tih lah geh tĭng di nău ntrŭnh bâh pháp luật.