Ôi lơ 15/6, ta Ngih kan Quốc hội, Kruanh Quốc hội Trần Thanh Mẫn ƀư tơm nar tâm nchră di rnôk nkah 100 năm nar Báo chí Cách mạng Việt Nam đah nkô̆ “Ntrong kan, nau ƀư ân hun hao báo chí Cách mạng Việt Nam”. Ta aơ, ăp nhà báo ơm, jŏ, rđau kan bah ăp ntŭk kan báo chí hŏ nkoch mbơh nau blau tât nau ndâk ƀư nau kan, nau rƀŏng rgâl nkra Luật Báo chí, ntrơn rgâl mrô ndrel hun hao âk ntil nau kan.

Kruanh Quốc hội rnê prêh ăp nau rgop bah báo chí tâm nau kan cách mạng, nkre lah rjăp nau rgâl nau ƀư nau kan ndâk njêng pháp luật, knŭng ntrŭnh ăp nau kan geh tât nau dơi bah Quốc hội, der ƀư jêng luật ăp nkô̆ nau ntrŭnh, nau đă dêh lơn. Quốc hội mra lŏ ntơm ƀư n’hong nau geh dơi, nau pă gưl, pă nau kan rjăp dăng, pă nau dơi nchrăp kan lor ân Chính phủ tâm nau ƀư luật, gay n’hao nau tam ăp ntŭk ƀư nau kan pháp luật, pơk trong nơih ân hun hao văng sa, rêh jêng bah neh dak./.