Lah ta rơh hop tâl 44 bah UBTVQH, ntơm pơk tâm ôi 14/4, Kruanh Quốc hội an gĭt, mbra an nău rgop, mĭn uănh, n’glêh an 42 rmôt nkô̆; rgâl nkra, kơi ntop du đêt nkô̆ bah Hiến pháp năm 2013; mĭn uănh ăp nkô̆ nău mpeh n’glĕ nău dơi nkra gay ngăch droh rklaih jêr jŏt, kŏ kol an ăp Doanh nghiệp. Lơn lah, Ủy ban Thường vụ Quốc hội mbra an nău rgop mpeh siƀŭt dăn đă: rgâl nkra, kơi ntop du đêt nkô̆ bah Hiến pháp năm 2013; njêng Ủy ban nchrăp rgâl nkra, kơi ntop du đêt nkô̆ bah Hiến pháp năm 2013; sŏk nău rgop ƀon  lan mpeh trong nchrăp rgâl nkra, kơi ntop du đêt nkô̆ Hiến pháp năm 2013 tâm 1 khay. Kruanh Quốc hội Trần Thanh Mẫn lah rjăp, nău rgâl nkra Hiến pháp lah nău dơn kan mha êng đah rnoh  nău  kan dŭt têh, geh tât nău dơn kan bah âk nhih pah kan, mpôl kan, nkre đah trong nchrăp dơh glêh, dăp rgum nuĭh kan bah lam trong  kan chính trị, tĭng nău n’glôch jêh mbrô 126, 127 bah Bộ Chính trị n’hanh Ban rđău đă Trung ương. Tâm rnôk ƀư rơh hop, Ủy ban Thường vụ Quốc hội ân ƀư wat jêh nău mĭn uănh, an dŏng ăp nghị quyết dăp rgum, leo ƀư rgum tay nhih pah kan gưl xã; nkre, an nău rgop gay hao rblang dăn Quốc hội uănh an dŏng nghị quyết n’glăp ăp nhih pah kan gưl n’gor n’hanh ƀư wat jêh ăp nkô̆ tĭng bôk nău kan pah kan Quý 2 hŏ dơi n’gluh an dŏng.