Rlau 4 năm, n’gor Dak Lak hŏ pă ân manh rlau 2.100 rmen prăk ƀư bôk nau kan. Bol ma hôm âk nau nkol, yơn nau kan mra geh nau ueh rnôk n’huch dơi n’gul rnoh rnăk ach o nkuăl rnoi mpôl đê̆, jur hôm 13,7% tâm dŭt năm 2024. Dak Lak hŏ kơl an rlau 1000 rnăk ndâk ngih gŭ, ntuh kơl ndâk nkra ndrel mât nâp 550 ntŭk trong kan tơm, ƀư âk jrâu ntĭm nti play săm ƀŭt, nti nau kan, hun hao tuch tăm ndrle ndâk ăp nau khlay nau vay ơm. N’gor đă Chính phủ ơm pă tơm prăk ntuh kơl hun hao nau mô tŏng tĭng nau nchrăp, uănh rnoh n’hao nau kơl an neh gŭ, ngih gŭ, neh tuch tăm, dak dĭng ân tâm di ngăn. Dak Lak hôm đă rgâl rnoh prăk manh ndrel rgop ƀư ueh đah ăp bôk nau kan bah neh dak gay n’hao nau săk tam./.