Aơ lah rơh hop tâl 2 tâm khay 4 gay tâm nchră luật, an nău rgop tâm du đêt trong nchrăp Luật mbra hao rblang dăn Quốc hội mĭn uănh an nău rgop ta rơh hop tâl 9 tât. Lah ta rơh hop, Thủ tướng Phạm Minh Chính an gĭt, ta Rơh hop tâl 9, Quốc hội khóa 15 nchrăp Chính phủ mbra hao rblang dăn Quốc hội 63 siƀŭt rgum nchih, siƀŭt mbơh, tâm nê geh 37 Luật n’hanh nghị quyết. Aơ lah rnoh siƀŭt dŭt têh, dŭt khlay, ring tam tât lĕ rngôch nău kan wăng sa- rêh jêng kon nuĭh. Rnoh nău kan dŭt âk mpưm, nău dơn kan dŭt jâk r’ah, nău ŭch geh âk, nkô̆ jêr, dĭ hvi, Thủ tướng dăn đă ăp n’gâng kan an rong lor mông nar, rgum tơm ndơ dŭt âk, rđău đă na nê̆, ƀư wat jêh ăp trong nchrăp luật. Nkre kan nsum đah ăp nhih pah kan bah Quốc hội tâm rnôk uănh năl di tay, rblang dăn, rgum djăt, rgâl di trong nchrăp Luật. Ngăch mbơh đah ăp nkô̆ nău ntoh luh, ăp nkô̆ rlău nău dơi nkra.