Kêng ôi 9/4, râng ƀư Rnê rhơn Mpôl pah kan Tahen n’hanh Công an râng ntop kơl nkra khuch khat n’gơ neh ta Myanmar, Thủ tướng Phạm Minh Chính lah, nar tât an ƀư tĭng geh săk rnglăy ăp trong mpeh njrăng n’gang ƀon lan, njrăng n’gang trôk nar, ŭnh sa, rdâng đah rgâl trôk nar mih sial. Ngăn ngên an bằng khen an ăp rmôt n’hanh êng nuĭh tâm mpôl pah kan Tahen n’hanh Công an râng ntop kơl nkra khuch n’gơ neh ta Myanmar, Thủ tướng Phạm Minh Chính an lah, nău ndơ̆ rmôt râng kơl rmanh, ntop kơl nuĭh geh n’gơ neh ta Myanmar geh nkô̆, rgop ƀư prêh, ntŭk dâk bah neh dak; nkoch nău mbơh mpeh neh dak, kon nuĭh Việt Nam dăch dêh, kơl nuĭh, tâm rnglăp tâm kơl lam ntŭr neh têh kuăng, mĭn lah nsing nơm, nău blău bah Việt Nam tâm mkra lĕ nău kơl ăp nău lam ntŭr neh, nchrăp ndrel ty mkra ăp nău jêr jŏt, ntŭl rlong.

Thủ tướng lah rjăp đŏng, năm 2025 n’hanh khay tât, ăp ntŭl rlong rnă njrăng bah dih nău way ơm, ngăn lah nu nău trôk nar, ŭnh sa ta lam ntŭr eh n’hanh nkual nar lơ hô, jêr njrăng n’hanh ta tâm dak, dak lip, duh phang, dak chiăt bôh lăp, pĭch rlâm... đah geh nar lơ âk dơi geh, yor nê, an n’hao lơn tay kon nuĭh, rnă njrăng kon nuĭh, rnă njrăng, đăp mpăn nău rêh an nuĭh ƀon lan.