Kêng măng 27/5, ta Hà Nội, Tổng Bí thư Tô Lâm ƀư tơm pah kan đah Ban Tổ chức Trung ương, uănh lah nu nău  n’hanh săk rnglăy trong kan bah bôk năm kan Đại hội 13 tât aƀaơ, nkre trong trong nău kan năm tât. Tổng Bí thư đă ăp săk rnglăy lĕ rngôch bah Ban Tổ chức tâm trong kan tâm ôp tâm nchră mpeh rdâk njêng Đảng; uănh lah nuih n’hâm sŏng dăng, rjăp kiểm điểm êng n’hanh ntĭm kloh 5 rmôt nău mô hŏ dơi ƀư n’hanh 4 nkô̆ nău khlay.

Tổng Bí thư đă Ban Tổ chức Trung ương nchrăp dăn đă ăp trong mkra dŭt n’hâm lơn. Lah rjăp rnôk aƀaơ lvang “rhoăt ndăn” nchrăp an Đại hội 14, Tổng Bí thư đă Ban Tổ chức Trung ương mât uĕh tâm ôp tâm nchră, rgum jêh trong ƀư, rgâl mhe trong kan cán bộ, n’hao nău blău nchrŏng trong hăn; n’gâng kan chính trị tĭng trong mhe, pơk dŏng săk rnglăy, nchrăp uĕh dự thảo văn kiện n’hanh nuĭh kan gưl ủy khóa tât.