Gŭ khâl tay n’hanh pah kan ta Malaysia, ôi 28/5, Thủ tướng Phạm Minh Chính hŏ tât khâl Đại học gưl neh dak Malaysia.

Thủ tướng rnê âk Đại học gưl neh dak Malaysia hŏ ký siƀŭt tâm boh đah 2 Đại học dâk bôk năp Việt Nam, pơk luh nău mpŏng tâm boh jru hvi tâm trong kan ntĭm nti đah bar dak; Ntrôl dăng nkơnh n’hơ pâl nđaih, buăt nthoi văn hóa, n’hao dăng tâm nđŭr ƀon lan; Mât nâp tâm rnglăp, nău khlay ƀư rgum tơm bah ASEAN n’hanh mât bah tâm lơh, đăp mpăn, rnă njrăng n’hanh dah rŏng nchuăn rdeng ta dak lêng. Thủ tướng lah rjăp Việt Nam mbra tâm boh lhăt lơn đŏng đah Malaysia tâm trong ntĭm nti n’hanh ăp trong kan hun hao khoa học công nghệ, rgâl mhe, rgâl mbrô yor nău ŭch tât nsum, rƀŏng tât nău hun hao jŏ jong, têh ndrŏng bar dak n’hanh nsum mpôl ASEAN.