N’gâng kan ndâk ƀư n’gor Gia Lai mhe mbơh N’gâng kan ndâk ƀư mpeh nău ŭch jay gŭ công vụ lvang 2025-2030. Tĭng nĕ, nchrăp jêh nglăp nsum đah Bình Định, n’gor ŭch nklăp 1000 mlâm jay gŭ công vụ, mô hŏ n’ăp khối Đảng n’hanh HĐND. Aƀaơ, Gia Lai knŭng geh du nkual jay công vụ ta nkual ƀon têh Pleiku, ndâk ƀư bah năm 2005 đah 12 jrô, tâm nĕ 6 jrô dôl nsoih. Nău ŭch nchrăp geh: 3 biệt thự, 509 jay tâm êp n’hanh 500 jay chung cư.

N’gâng kan ndâk ƀư n’gor đă nkra rgâl jay gŭ gay pơk hvi nuĭh dơi manh jay công vụ, geh n’ăp cán bộ mô geh tâm nuĭh tâm pleh yơn đă trơn ntŭk gŭ. Tĭng nău rgop an tâm nchră nglăp nsum, nklăp 2.000 cán bộ mbra trơn tât ntŭk hành chính mhe ta Quy Nhơn, yor nê, lôch jêh nău kơl jay gŭ gŭ công vụ lah nău ŭch jăch ndal. Tĭng bôk nău rgop an tâm nchră, n’gor Gia Lai mbra geh bơi 2.000 cán bộ , công chức, viên chức hăn tât ntŭk kan hành chính mhe ta nkual ƀon têh Quy Nhơn, Bình Định gay pah kan.