Ntơm bah nar 24-27/6, Thủ tướng Chính phủ Phạm Minh Chính ndrel Mpôlntơh măt gưl têh Việt Nam mbra râng Tâm nchră way ăp năm ăp nuĭh dâk leo lor tâl 16 bah Rgum nchră wăng sa lam ntŭr neh (Tâm nchră WEF Thiên Tân 2025) n’hanh pah kan ta Trung Quốc.

Aơ lah năm tâl pe mbro Thủ tướng Chính phủ Việt Nam râng n’hanh geh nău lah ta rgum nchră wăng sa lam ntŭr neh, nar kan khlay dja mpơl nău  uănh khlay n’hanh rnê âk bah Rgum nchră wăng sa lam ntŭr neh, tâm ban kơt mpôl doanh nghiệp dak bah dih đah ntŭk gŭ kan n’hanh nău rgop bah Việt Nam tâm hun hao wăng sa lam ntŭr neh n’hanh nkual. Nchrăp tâm ăp nar ta Trung Quốc, Thủ tướng Phạm Minh Chính mbra geh ăp rơh tâm nchră, ôp srĭng nău đah kruanh gưl têh bah Trung Quốc n’hanh ăp dak, râng rgum nchră doanh nghiệp Việt Nam - Trung Quốc, wơt kruanh ăp tập đoàn Trung Quốc, mâp ăp ƀon lan n’hanh kon se nti Việt Nam ta Trung Quốc./.