Ôi 23/7 ta Hà Nội, Tổng Bí thư Tô Lâm, Bí thư Quân ủy Trung ương tât khâl n’hanh ƀư tơm rơh pah kan đah Tổng cục Chính trị Tahen ƀon lan Việt Nam. Lah ta rơh pah kan, Tổng Bí thư Tô Lâm, Bí thư Quân ủy Trung ương dăn đă: tahen lah “nuĭh săk bah năp phao bah kơi”, ân têh blău kon nuĭh lor rnôk năp phao bleo têh dăng mhe. Dăn đă Tổng cục Chính trị ân n’hao dăng kan nsum đah Bộ Tổng tham mưu tâm rdâk njêng tơm nuĭh kan, lơn lah nuĭh kan săk blău âk tâm mpôl tahen.

An ƀư tay geh nău tam Đề án, trong kơl wăch rgum, dŏng nuĭh gĭt blău bah Mpôl tahen ƀon lan Việt Nam tât năm 2030, uănh ngai tât năm 2050. Tổng bí thư lah rjăp: “Ăp cán bộ, tahen ân han săk chính trị nâp dăng ngăn, blău mpeh kỹ thuật n’hanh chiến thuật, ƀư tơm ndrak nsiu, ndơ năp mhe, têh dăng mhe, nău mĭn blău ƀư mhe, geh nău dơi mbrô n’hanh ƀư tơm jâng nsing mbrô, gĭt wât mpeh nău blău miăt tahen n’hanh nău dơi tâm dâl hăn lơh geh suan dăng jôn wên, jŏ jong, tŏng đah nău ŭch  geh mha êng bah nău kan tahen”.