Kruanh Quốc hội Trần Thanh Mẫn tâm mâp ma ntŭk kan ntoh măt bah Việt Nam ta Senegal
Thứ năm, 08:29, 24/07/2025 VOV Tây Nguyên/Nuĭh rblang H'Thi VOV Tây Nguyên/Nuĭh rblang H'Thi
VOV.M'nông: Jêh rnôk tât Cộng hoà Senegal, Kruanh Quốc hội Trần Thanh Mẫn ndrel i ur n’hanh rmôt kan gưl prêh dak nơm hŏ tât khâl, nkoch bri ma cán bộ, nŭih kan ntoh măt ndrel mâp ƀon lan Việt Nam nơm gŭ kan ta Senegal.

Jêh rnôk tât Cộng hoà Senegal, Kruanh Quốc hội Trần Thanh Mẫn ndrel i ur n’hanh rmôt kan gưl prêh dak nơm hŏ tât khâl, nkoch bri ma cán bộ, nŭih kan ntoh măt ndrel mâp ƀon lan Việt Nam nơm gŭ kan ta Senegal. Kruanh Quốc hội lah rjăp, Đảng, Ngih dak uănh kơl an ngăn ƀon lan nŭih ƀon lan Việt Nam tâm dak ba dih. Nsum mpôl nŭih Việt Nam tâm lam ntur neh lah nsum ndrel Senegal lah êng mô dơi nkhah tâm nau tâm rnglăp lam rnoi mpôl bah neh dak Việt Nam-neh dak hŏ geh nau vay ơm tâm rnglăp, hŏ geh nau dơi tâm nau tâm lơh rklaih rnoi mpôl, kŏ kơt lah tâm nau ndâk njêng ndrel mât neh dak rnôk aơ.

Ntoh măt rđau kan Đảng, Ngih dak, rmôt hăn kan gưl prêh dak nơm, Kruanh Quốc hội Trần Thanh Mẫn njoăl nau rhơn tât ƀon lan Việt Nam tâm Senegal rlet nau jêr, nau ntul rlong gay đăp mpăn nau rêh; nkre lah ueh Quốc hội, Chính phủ Senegal kơl an ƀon lan Việt Nam rêh tâm Senegal đăp mpăn nau rêh ndrel geh ăp nau rgop ân neh dak ta ntŭk./.

VOV Tây Nguyên/Nuĭh rblang H'Thi

Viết bình luận

TIN CÙNG CHUYÊN MỤC