Ôi ntri (23/7), Groi Thủ tướng Chính phủ Hồ Đức Phớc, đại biểu Quốc hội n’gor Gia Lai râng tâm nchră mâp cử tri phường Quy Nhơn, mbơh lôch jêh Rơh hop tâl 9, Quốc hội khóa XV. Ta rơh mâp, Groi Thủ tướng Hồ Đức Phớc hŏ ơh âk nău dăn đă bah cử tri, nkoch gĭt âk nkô̆ geh tât ntuh kơl rdâk njêng rbong nking dak lêng ta phường Quy Nhơn, mât dŏng siƀŭt giáo khoa, njrăng n’gang ndơ rlăm, ndơ mô nâp uĕh n’hanh mplư rlăm bah mạng. Mpeh dăp rgum nhih pah kan, Groi Thủ tướng an lah, nău glêh tam nuĭh kan kơl n’gâng kan geh nău tam kan lơn, dăch dêh nuĭh ƀon lan lơn.

 Groi Thủ tướng lah rjăp nău ŭch an rong lor hun hao ta rnoh bar keh mbrô gay n’hao neh dak lăp tâm rơh hun hao têh ndrŏng, kuâng dăng. Gay dơi tât rnoh nê, ân ntrôl ngăch rgâl trong  ntĭt leo hun hao, ntrŭt ntrôl rgâl mbrô, rgâl nđĭr uĕh, rgâl blău mhe, rgâl glêh siƀŭt n’hanh trong kơl sŏk soăy.