Rơh rlau aơ, âk ntil srê ji tâm ndrôk rpu, kik djar nơh ntoh, ntưp. Tâm rnôk nê, n’gor Dak Lak dôl rgum ntrŭt dăng ăp nau kan njrăng, rdâng srê ji gay mât nau đăp mpăn nau kan ê nkra, mât rong, đăp mpăn nau rêh ƀon lan. Nau mbơh tă bah N’gâng kan mât rong ndrel Thú y n’gor Dak Lak ân saơ, rnôk aơ, nau geh srê ji tâm lam n’gor tât jêr. Nkuăl mpeh ba dâng n’gor (n’gor Phú Yên ơm) lŏ geh kơp dơn ăp ntŭk geh srê ji ndul djroh sur Châu Phi, n’gâng kan ndrel ƀon lan ân chuh jăng lơi sur geh srê gay rdâng nau ntưp rêng.

Tâm 6 khay bôk năm, tâm, n’gor geh 6 nŭih khĭt yor so ndrăng kăp, ân saơ nau khuch bah srê ji hôm geh nau rvê. Wa Đặng Thị Thuỷ, Groi Giám đốc N’gâng kan tuch tăm ndrel ntŭk ntu n’gor Dak Lak mbơh: Ndrel ma nau ntrŭt dăng chuh njrăng, nkhĭt srê, n’gâng kan tâm n’gor kŏ ƀư nâp nau nkân njrăng nau nchuăn rdeng, roch nkhĭt, tăch rgâl ndrôk rpu, sur djar, nkre ntĭm mbơh ăp rnăk rong ƀư rong ân đăp mpăn, răk kloh ndrung, saơ ơm ndrel rklaih ân năn ăp ntŭk geh srê./.