N’gor Dak Lak dôl an ƀư âk trong nkra gay mât nâp nău nsing nơm sầu riêng tăch n’gluh rnôk khay klêh dôl dăch tât. Dak Lak aƀaơ geh nklăp 41.000 ha sầu riêng, đah rnoh âk geh play nchrăp năm aơ nklăp 400.000 tấn, hao âk rđĭl đah ăp năm bah năp nơh.

Sở Nông nghiệp n’hanh Môi trường n’gor Dak Lak hŏ kan nsum đah Hiệp hội Sầu riêng n’hanh ăp doanh nghiệp, hợp tác xã, ntrôl ngăch uănh năl săk kah, sŏk play uănh năl krêp dak si ndrŭng, ton mô dŏng  ăp dak si mpăng, lơn lah mât uănh lhăt dak si vàng ô n’hanh cadimi. Hiệp hội Sầu riêng Dak Lak njrăng đă nuĭh ƀon lan mô dơi tăch play nse rnôk mô hŏ tât khay klêh, der bah bu mpet nsâm n’hanh roh nău nsing nơm.