Di nkah 78 năm Nar tahen sôt rmanh-tahen khĭt lơ 27/7. Ôi lơ 23/7, Kruanh dak Lương Cường ndrel rmôt hăn kan bah Trung ương hŏ tât khâl, pă nklâm ndơ ân tahen sôt rmanh tâm Ntŭk Răk rong tahen sôt rmanh Duy Tiên (Phường Duy Tiên, n’gor Ninh Bình). Ntoh nau tâm nar mâp măt, Kruanh dak Lương Cường lah rjăp, tâm 78 năm ma aơ, ngăn lah jêh bơi tât 40 năm rgâl mhe Đảng, Ngih dak hŏ ntrŭnh âk nau kan, nau kơl an ma nŭih geh n’hâm ma cách mạng ndrel ăp nau kan nê mô nsrŭng geh ƀư jêh, ăp nau kan “tâm kơl an”.

Nau kan “Lam ƀon lan mât chăm ân ăp rnăk sôt rmanh, tahen khĭt ndrel nŭih geh n’hâm ma cách mạng” nar lơn hun hao jru, rgop nau mât chăm ueh lơn ân nŭih geh n’hâm tâm lam dak. Tâm rơh tât, Đảng, Ngih dak mra ƀư jeh nau kan kơl an, pháp luật mpeh nau kơl an nŭih geh n’hâm, rgum âk tu tơm kơl an gay nau kan aơ lơn geh ƀư ueh, tam lơn./.