- Hơi wa, lôch 5 năm mbơh tơih nău kan 8, wa mơh geh nău uănh năl mpeh nău dơi geh n’hanh ăp nău rhoăt luh tâm rnôk mbơh ƀư nău kan aơ êh?

Wa Nguyễn Thị Minh Hương: Nău geh bâh Nău kan 8 geh 9 nău mpô̆ng rĭ lĕ geh tât 4 nău  n’hanh rlet rlău dŭt âk, geh rnôk lah ăp nău mpong kan geh đê̆ lơn rlău 200%. Hôm 5 nău mpŏng kan hôm e, mpôl hên nchrăp mbra dơi geh tâm dŭt năm 2025, nĕ lah tât lĕ rơh 1 mbra geh nău dơi. Kanŭng geh du nău mpŏng lah jêr dơi geh. Nău aơ an saơ nău dơi bâh nău kan, đah dŭt âk nău mpŏng lĕ dơi geh n’hanh rlău.

Ăp nău mpŏng kan dơi geh ndrel đah nău kan ta ntŭk rêh jêng, ntĭt lah kơt nău kan “Ntŭk geh nău knơm” mô lah ăp ntŭk kan mbơh tơih nău mhe ta ntuk rêh jêng. Nău aơ mpơl nău mpŏng kan ueh nsrôih bah nuĭh ƀon lan, nău kan lĕ kơl an ăp nău pah kan lĕ dơi geh an ueh lơn. Ngoăy tâm âk nău tă gĭt blău kan ƀư jêng nău dơi ta rơh 1 bâh nău nchrăp kan lah nău tât râng kan bâh ăp gưl kan n’gâng kan n’hanh ngăn lah bâh nuĭh ƀon lan. Bâh nău tât râng kan aơ bâh nuĭh ƀon lan lĕ kơl an ăp nău kan tâm di đah nău ŭch n’hanh nău rŏng bâh khân păng, bâh nĕ kơl an hên geh rgâl tay ăp nău kan an geh tâm di lơn”.

- Tâm lvang năm 2026-2030 bâh bôk nău kan Mặt trận ngih dak, nău kan 8 mbra geh ăp nău rgâl n’hanh mhâm geh an lor êh wa?

Wa Nguyễn Thị Minh Hương: “Aƀao, nău kan bâh bôk pah kan nkô̆ mpŏng ngih dak mbra geh ăp nău rgâl mhe. Yơn lah, bol ma mhâm ƀư, Hội liên hiệp bu ur Việt Nam lĕ geh uănh năl an lah nău ƀư ndrel an geh lah nău ƀư lĕ rngôch tâm lĕ ăp nău pah kan bâh nkô̆ mpŏng kan ngih dak mpeh hun hao wăng sa rêh jêng tâm nkual ƀon lan rnoi đê̆ n’hanh gôl yôk. Nău nĕ lah, bol ma nău nchrăp kan 8 mô lah mô geh nău nchrăp kan 8, ăp nău pah kan mbra dơi geh ƀư ndrel đah ăp nău kan đong.

Ntĭt lah, đah ăp nău pah kan hun hao wăng sa, rêh jêng, an hôm nha geh ăp nău kơl kan way kan an bu ur, kơt ăp HTX mô lah doanh nghiệp yor bu ur ƀư tơm. Mô lah đah ăp nău geh tât mât chăm săk soan, an geh ăp nkô̆ nău na nê̆ gay ma kơl an bu ur mpeh săk soan deh nse, mât rong kon n’hanh mât me bŭn deh kon. Uănh nsum, mpôl hên mbra ntrôl tay nău ƀư ndrel tâm lĕ rngôch ăp nău pah kan bâh nău nchrăp kan n’hanh n’hao nău dơi kan an bu ur tâm tâm ban cán bộ ta ntŭk.

Ơ, dăn lah ueh wa.

Mbơh tơih nău kan 8, nău gĭt vât bâh ntŭk rêh jêng, bâh nuĭh bu klô đah nuĭh bu ur lĕ geh nău rgâl