Ôi 24/6, ta Rơh hop tâl 27, Hội đồng nhân dân n’gor Gia Lai hŏ n’gluh an dŏng Đề án dŏng drăp ndơ ta Nhih dak si n’gor tâm nău rgop kan nsum ndrel Công ty TNHH Nhih dak si Bình An Gia Lai, đah lĕ rngôch rnoh ntuh kơl nchrăp rlău 350 rmen prăk.

 Công ty Nhih dak si Bình An mbra rgop nklăp 250 rmen prăk ƀư bôk năp, ndăn dŏng lĕ rngôch ndơ ntrŭp dŏng kan dak si dôl geh aƀaơ, ndrel trong nchrăp pơk hvi tơm nuĭh kan but săm ji, n’hao nău dơi tam kan. Đề án nchrăp geh rnoh năm ƀư 30 năm. Tĭng UBND n’gor Gia Lai, nău tâm rgop kan nsum, tâm nkrêp kan lah nău khlay yor Nhih dak si n’gor Gia Lai bol dơi ntuh kơl ăp tŏng mpeh drăp ndơ dŏng kan, tơm nuĭh kan, yơn mô hŏ tŏng di đah nău ŭch geh mât chăm n’hâm suan nar lơn ma âk bah nuĭh ƀon lan.