Aơ lah đại hội săch lor bôk năp gưl xã lôch geh ƀư nglăp nsum n’gor n’hanh leo kan n’gâng kan 2 gưl bâh lơ 1/7. Lôch geh nglôch lôch, groi Thủ tướng rnâng kan chính phủ Nguyễn Hòa Bình lĕ leo rơh rƀŭn nchră rhoăt luh nău kan, mbơh tơih nău kan leo ƀư đại hội tât 123 xã, phường, nkuăl têh ta lam n’gor. Ăp đại biểu rnê âk nău nchrăp lor bâh Ban thường vụ n’gor Ủy n’hanh Đảng ủy xã Đơn Dương. Ntoh ngơi ta rơh rƀŭn nchră, groi Thủ tướng Nguyễn Hòa Bình lah na nê̆, đại hội mô dơn lah nău kan chính trị bâh Đảng ma hôm nha an geh njêng nău nsrôih nđơr tâm ƀon lan. Ta năp đại hội, an geh n’hao nău kan tâm rlong, nău kan vơt rhơn khlăy na nê̆, mô dơn rnoh ntuh kơl nsum ma kĕ ntuh kơl êng, gay ma ntop njêng nău nsrôih an hun hao lôch nglăp nsum n’gor.