Aơ lah ntŭk rlu jâng bôk năp ta rơh hăn khâl Đông Nam Á bâh Tổng thống Pháp, mpơl nău uănh khlăy ngăn ma Pháp an Việt Nam. Nău tâm boh tâm kơl đah 2 dak lĕ rlet rlău âk nău tât tâm nău rêh bâh kăl e n’hanh dôl geh hun hao têh dăng, mpŏng tât nău rêh let năp tay. Rơh tât khâl rơh aơ geh knơm mbra ntrôl tay lơn nău tâm boh kan ndrel lĕ rngôch đah Việt Nam n’hanh Pháp ta âk trong kan bâh chính trị, wăng sa, mât rnă njrăng ngih dak tât ntĭm nti, văn hóa, mĭn uănh khoa học n’hanh ăp nău ta lam ntur neh kơt rgâl mih sial trôk nar, rnă njrăng ta nkual. Nău kan aơ lah na nê̆ mpơl nău lơ ma khlăy lơ bâh Việt Nam tâm nkual n’hanh ta lam ntur neh, pơk trong ăp rơh nkhêp mhe tâm kơl đah 2 ngih dak.