N’gor Lâm Đồng dôl nsrôih mbơh ƀư âk trong mkra ntrŭt nsôr pâl nđaih, rƀŏng tât nău rƀŏng wơt rlău 11 rkeh năch tâm năm 2025. Đah bôk nău “Việt Nam-Hăn an rŏng”, âk nău kơl an mpeh rnoh khlay nău rhŏ, prăk uănh nsong ta ăp nkual, ntŭk pâl nđaih, ntŭk ơm yâu lịch sử-văn hóa mbra dơi kơt dŏng. Ăp doanh nghiệp nkra tay n’hŭch rnoh khlay tât 50% an ăp nău rhŏ rdêng, gŭ âm, ngêt sa, mât uănh săk soan...

Rlău ma nĕ, n’gor uănh khlay boăt nthoi ndơ-ntŭk tât, ndâk njêng rkum pâl nđaih uĕh, ntrŭt đă hun hao ndơ an tâm ntĭnh uĕh ta ntŭk, ngăn lah ăp ndơ OCOP. Wa Trần Thanh Hoài, Groi Giám đốc N’gâng kan Văn hóa-Thể thao n’hanh Pâl nđaih Lâm Đồng an gĭt, yor nuĭh ƀon lan mbra lah “Ntŭk ntoh măt pâl nđaih”, nsrôih djôt tât nău ŭch an năch pâl nđih, rgop jêng ntoh lư an pâl nđaih tâm rnôk lam dak lăp tâm rach năm hun hao mhe.