Ƀư tĭng nau nchrăp “Nsum ty jut lơi ngih truh sat tâm lam dak tâm năm 2025” tât lơ 24/6, n’gor Kon Tum hŏ kơl an jut ngih truh sat ân 2.740 ngih, geh 100% nau nchrăp. Tâm nê, ndâk mhe 2.220 ngih ndrel nkra nâp 520 ngih kơl an ƀon lan đăp mpăn nau rêh, pah kan jan sa. Bah nau ƀư, Kon Tum rgum tu tơm kơl an geh bơi tât 200 rmen, tâm nê tơm prăk kơl rgop geh 102 rmen, N’gâng kan công an kơl an 84 rmen ndrel ƀon lan rgop êng bơi tât 509 rmen ndrel 180 rbăn nar kơl kan.

N’gâng kan ăp gưl tâm n’gor kŏ ƀư âk nau rklaih nau jêr đah nuih n’hâm “Moh nŭih geh ndơ ri kơl an ndơ nê, geh n’hâm kơl n’hâm geh ndơ kơl ndơ, geh đê̆ kơl đê̆, geh âk kơl âk”. Rnôk aơ, UBND n’gor Kon Tum pă Bằng khen ân 21 rmôt ndrel 32 nŭih geh nau blau ngăn tâm nau kan tâm rlong “Nsum ty jut lơi ngih truh sat”./.