Ôi lơ 24/6, HĐND n’gor Bình Định ntơm rƀŭn tal 25, nchrăp ân nau rgum n’gor Bình Định ndrel Gia Lai tĭng nau ntrŭnh bah Quốc hội. Rơh rƀŭn geh tâm 2 nar lơ 24-25/6 đah nkô̆ nau tơm, kơt: nchră tât nau hun hao văng sa, rêh jêng bah 6 khay bôk năm, nchră ndrel ntrŭnh ăp nau mbơh, nau nchră đă mpeh nau rgâl nau nchrăp ntuh kơl jong năm 2021-2025, nau kơl an ân kon se nti, sinh viên xã Nhơn Châu dôl nti nau kan tâm n’gor ndrel âk nkô̆ nau êng.

Kơp ntơm lơ 1/7, 2 n’gor Bình Định ndrel Gia Lai mra rgum jêng n’gor Gia Lai mhe, đah rnoh 135 xã, phường. Nau kan rgum mô êng pơk luh nau hun hao tehe lơn ma hôm pơk luh ăp nau khlay êng gay ma rgâl, hun hao dăng. Yơn lah, nau kan aơ ndŏ luh nau ntul rlong gay rgum, rklaih, nsôih ƀư jêh nkô̆ nau, nau kan hun hao văng sa, rêh jêng năm 2025, đah nkô̆ nau hun hao GRDP nsôih geh rlau 8,5%./.